top of page

“ 毎次聽到女朋友話想死,我都好心痛…”


我女朋友有抑鬱症 我唔知可以點幫到佢

好驚講錯嘢會trigger到佢 想比啲正面啲嘅建議佢 但成日都話我唔明佢 我都唔知可以點安慰佢…


毎次聽到佢話想死,我都好心痛,佢係一個好體貼好好好好嘅女朋友,我好驚會無咗佢,想幫佢但係又唔知點做先幫到佢



OUTPSYCDER'S REPLY:

要一個'正常人'去照顧有情緒病問題嘅人的確唔容易,

亦可難要求其他人可以完全了解佢地嘅諗法。始終毎個人對事件的主觀經驗都不同,我地好難亦唔應該去judge.


旁人眼中可能係長期放負、厭世、唔知足、諗太多、遊手好閒,亦無辦法理解;其實患者自己都理解唔到點解自己/都好憎自己咁depressed,但係好無奈自己咩都肯制唔到去停止呢d諗法


其實佢地最需要嘅並唔係啲咩發人深省嘅建議,好多時候每一個建議都會令佢覺得「點解自己仲係做唔到」 「咁小事自己永遠都要喊」.


你女朋友最需要嘅其實係你嘅陪伴同理解;

憂鬱症患者會害怕自我獨處的時刻,因為獨處時候大多要自己面對那些無止境自我批評的思考


有時間嘅話多啲陪女朋友,無論咩形式都好,講電話又好、見面又好,只要俾佢知道佢唔係自己一個去捱過最辛苦嘅時間就可以了:)


做d可以專心的事例如行山、整甜品等等,一起完成某事,相信可以幫助你女朋友短暫的轉移想自殺嘅焦點。


希望幫到你同你女朋友,加油!


 

/路一直都在 只是你還未能看見,請你知道有人和你同行,你並不孤單;


2019 2020 2021 一切都很壞,好像沒有甚麼能好起來

總是故作堅強累積越來越多的情緒,

抵擋世界的惡意和謊謬


但最真實的感受想説出口卻又無所適從


一路的艱難無以名狀;

讓我們陪你一起勇敢, 一起溫柔🤍


不論情緒困擾,工作/家庭/感情問題

只要你願意講,我都願意聽❤️

歡迎你來投稿/找我們聊天、都可以轉發給身邊有需要的人。

投稿內容會由有心理及社工背景的工作者回覆


有咩想講就講啦💪🏻:




Comments


bottom of page